miércoles, 21 de junio de 2017

VISITA DE VÍCTOR RIVAS



O pasado venres 9 de Xuño veu a visitarnos o ilustrador Víctor Rivas. 
É o ilsutrador dos libros de Ledicia Costas “Esmeraldina a pequena defunta” e “Escarlatina a cociñeira defunta”. Os nosos alumnos e alumnas dos clubs de lectura tiñan moitas ganas de coñecelo e facerlle moitas preguntas.
Entre as cousas que nos contou soubemos del que:

  • Durante moito tempo fixo Deseño Gráfico por ordenador. Dixo que lle encanta comunicar a través do debuxo porque lle gusta comunicar en xeral.
  • Gústalle colaborar con guionistas de cómics. Traballou nun cómic que era unha parodia de “Harry Potter”.
  • Gústalle debuxar máis a fantasía que a realidade.
  • Agora estivo ilustrando uns libros dunha serie de monstros, “O monstro do Lago Ness” , un libro de “homes lobo” e o libro “Cazador de fantasmas”. Tamén nos dixo que lle gusta máis debuxar fantasmas que seres humanos.
  • Adiantounos que o vindeiro libro de Ledicia Costas, que tamén vai ilustrar el, vai sobre “Os activos segredos de Escarlatina” e sairá polo Samaín.
  • Non ten horario de traballo. Hai días que traballa 10 horas e outros non traballa nada, depende. No seu traballo hai unha parte creativa e outra parte técnica de intintar.
  • Sobre as técnicas de debuxo, comentounos que debuxa por ordenador con tableta gráfica.
  • Tamén nos dixo que non é capaz de ver a man debuxando porque lle tapa o debuxo. Non lle gusta pintar con témperas e tinta.
  • O seu pai e a súa nai,  que eran mestres , querían que fixera maxisterio e que deixase o debuxo como hobby.
  • Gústalle moito pensar e ir resolvendo problemas.
  • Para facer un debuxo dun personaxe é moi maniático. Investiga todo sobre a época dese personaxe, sobre a súa vestimenta... fai un traballo de investigación minucioso antes de facer o debuxo.
  • Gustoulle cando viviu en Barcelona, pero agora disfruta vivindo na aldea.
  • Non estudou Belas Artes. É autodidacta, púxose a traballar moi pronto.
  • Gústalle o debuxo de “liña clara”,  como o debuxo de “Tin-Tin”.
  • Uns dos libros que máis lle gustou ilustrar foi o de Escarlatina, de Ledicia Costas, e un libro que fixo de “Pinocho”.



(Premede nestas últimas imaxes para ver algún vídeo)

miércoles, 24 de mayo de 2017

OPINAMOS!

As familias e os mestres cubriron unha enquisa sobre o desenvolvemento do proxecto de centro deste curso.

Se premedes nas imaxes veredes os resultados das enquisas que cubríchedes.





domingo, 30 de abril de 2017

DÍA DO LIBRO

O día 23 de abril celebramos o Día do libro e o aniversario de Inzilbeth.

Como manda a tradición os nenos agasallaron á nosa mascota con diferentes tipos de producións, que este ano estiveron baseadas na obra de Carlos Casares, autor ao que dedicamos o Día das Letras Galegas.

Nos seguintes vídeos poderedes ver que traballos tan orixinais fixeron.

















Se premedes na imaxe podedes ver moitas fotografías de esta xornada tan especial.

diadolibro  

FELICES LECTURAS!

martes, 18 de abril de 2017

COMO PASAN OS ANOS!!!

Sabedes quen cumpre 11 anos dentro duns días?


Pensade!!!

Exacto, son eses nenos e nenas de 5º que están a piques de celebrar o seu aniversario, pero hai alguén máis. Quen será?

Aí vai unha pista, por se alguén está despistado!

De lonxe chegou,
dun ovo naceu,
e cando soprou,
o lume acendeu.

Seguro que xa adiviñachedes que é INZILBETH!

Como todos os anos imos facerlle un agasallo para celebrar con ela o seu aniversario.

Non sabedes que??? Premede na imaxe e atoparedes algunhas ideas!


jueves, 16 de marzo de 2017

QUE A POESÍA NOS SALVE DO MUNDO



O 21 de marzo é o Día Mundial da Poesía. 
Buscamos poetas que enchan de versos as paredes e muros. 






Poñede moita atención, a poesía está ao noso arredor. Fixádevos no mar, alí está. Na mirada da avoa, nas flores e na area da praia... 

Atopádea e traédea con vós porque o día 21 encheremos os muros do noso patio con ela. 




Porque... que sería do mundo sen poesía? 

viernes, 10 de marzo de 2017

ASÍ FORON AS CONTADAS DE ENTROIDO

Foi un auténtico luxo gozar cos contacontos neste Entroido.

Queremos dar as grazas a todas as familias que se animaron a vir e felicitalas polas súas actuacións. 

Premede na imaxe para escoitar algúns dos contos.


jueves, 9 de marzo de 2017

ENTROIDADA

Durante a semana do entroido os membros dos clubs de lectura puxeron a voar a súa imaxinación, no que a vestiario se refire,  e non había quen os recoñecese.

Se queredes ver algunhas fotografías premede na imaxe.