miércoles, 4 de octubre de 2017

BIBLIOTECA ABERTA

 Por fin abriu a biblioteca! Certamente, nótase a marcha de Inzilbeth...deixouna moi triste...

Na súa carta de despedida ofreceu a biblioteca ao alumnado para a súa xestión, organización e deseño co fin de facer dela un espazo que sintan seu, que lles serve, que necesitan e queren usar. Un espazo imprescindible para o desenvolvemento dos proxectos e tarefas, e un lugar imprescindible para a difusión destes traballos.

Algúns/as xa tiveron a súa primeira sesión e quedaron cavilando nesa pregunta que apareceu nas ventás: 

POR QUE É IMPORTANTE A BIBLIOTECA DO COLE?

martes, 26 de septiembre de 2017

ADEUS INZILBETH!

Esta semana chegou a tódalas aulas do colexio unha carta de despedida. Era de Inzilbeth.
Parece ser que ten unha misión moi importante que cumplir, pois o bosque dos Dragóns e Dragoas corre perigo por causa do cambio climático.
Como xa non pode desempeñar as súas funcións como mascota da nosa biblioteca, coidándoa e xestionándoa como o facía, pide a todos os nenos e nenas que se fagan cargo.
 Que responsabilidade! Xa temos traballo para todo o curso.

Antes de poñerse mans á obra, están escribindo cartas e mensaxes de despedida. Xa vos ensinaremos como lles quedaron.





jueves, 20 de julio de 2017

domingo, 9 de julio de 2017

OS ÚLTIMOS LIBROS DO CURSO!

Os libros que os membros do club de lectura leron no 3º trimestre foron...

Se queredes sabelo premede no debuxo!


miércoles, 21 de junio de 2017

VISITA DE VÍCTOR RIVAS



O pasado venres 9 de Xuño veu a visitarnos o ilustrador Víctor Rivas. 
É o ilsutrador dos libros de Ledicia Costas “Esmeraldina a pequena defunta” e “Escarlatina a cociñeira defunta”. Os nosos alumnos e alumnas dos clubs de lectura tiñan moitas ganas de coñecelo e facerlle moitas preguntas.
Entre as cousas que nos contou soubemos del que:

  • Durante moito tempo fixo Deseño Gráfico por ordenador. Dixo que lle encanta comunicar a través do debuxo porque lle gusta comunicar en xeral.
  • Gústalle colaborar con guionistas de cómics. Traballou nun cómic que era unha parodia de “Harry Potter”.
  • Gústalle debuxar máis a fantasía que a realidade.
  • Agora estivo ilustrando uns libros dunha serie de monstros, “O monstro do Lago Ness” , un libro de “homes lobo” e o libro “Cazador de fantasmas”. Tamén nos dixo que lle gusta máis debuxar fantasmas que seres humanos.
  • Adiantounos que o vindeiro libro de Ledicia Costas, que tamén vai ilustrar el, vai sobre “Os activos segredos de Escarlatina” e sairá polo Samaín.
  • Non ten horario de traballo. Hai días que traballa 10 horas e outros non traballa nada, depende. No seu traballo hai unha parte creativa e outra parte técnica de intintar.
  • Sobre as técnicas de debuxo, comentounos que debuxa por ordenador con tableta gráfica.
  • Tamén nos dixo que non é capaz de ver a man debuxando porque lle tapa o debuxo. Non lle gusta pintar con témperas e tinta.
  • O seu pai e a súa nai,  que eran mestres , querían que fixera maxisterio e que deixase o debuxo como hobby.
  • Gústalle moito pensar e ir resolvendo problemas.
  • Para facer un debuxo dun personaxe é moi maniático. Investiga todo sobre a época dese personaxe, sobre a súa vestimenta... fai un traballo de investigación minucioso antes de facer o debuxo.
  • Gustoulle cando viviu en Barcelona, pero agora disfruta vivindo na aldea.
  • Non estudou Belas Artes. É autodidacta, púxose a traballar moi pronto.
  • Gústalle o debuxo de “liña clara”,  como o debuxo de “Tin-Tin”.
  • Uns dos libros que máis lle gustou ilustrar foi o de Escarlatina, de Ledicia Costas, e un libro que fixo de “Pinocho”.



(Premede nestas últimas imaxes para ver algún vídeo)

miércoles, 24 de mayo de 2017

OPINAMOS!

As familias e os mestres cubriron unha enquisa sobre o desenvolvemento do proxecto de centro deste curso.

Se premedes nas imaxes veredes os resultados das enquisas que cubríchedes.





domingo, 30 de abril de 2017

DÍA DO LIBRO

O día 23 de abril celebramos o Día do libro e o aniversario de Inzilbeth.

Como manda a tradición os nenos agasallaron á nosa mascota con diferentes tipos de producións, que este ano estiveron baseadas na obra de Carlos Casares, autor ao que dedicamos o Día das Letras Galegas.

Nos seguintes vídeos poderedes ver que traballos tan orixinais fixeron.

















Se premedes na imaxe podedes ver moitas fotografías de esta xornada tan especial.

diadolibro  

FELICES LECTURAS!